![Nëse e njihni këtë person lajmëroni Policinë, dyshohet se vodhi para të bamirësisë në një barnatore në Rahovec](/uploads/kosova-sot/images/2024/July/01/200x200_Capture-600x3601719840549.png)
Viti: I shkoi në shtëpi ish-bashkëshortes dhe e sulmoi duke i shkaktuar lëndime, arrestohet një person
![Viti: I shkoi në shtëpi ish-bashkëshortes dhe e sulmoi duke i shkaktuar lëndime, arrestohet një person](/uploads/kosova-sot/images/2024/April/01/auto_rrahje-1-780x439-730x440-11711950285.jpg)
Policia e Kosovës ka arrestuar një burrë në Viti, me dyshimin se i njëjti ka shkuar në shtëpinë e ish-bashkëshortes së tij dhe të njëjtën e ka sulmuar fizikisht duke i shkaktuar lëndime, përcjell “Kosova Sot Online”.
Viktima kishte edhe urdhër mbrojtës.
Policia përmes raportit 24 orësh, ka njoftuar se viktimës i është ofruar tretman mjekësor.
“Viti 26.06.2024 – 16:43. Me 28.06.2024 është arrestuar i dyshuari mashkull kosovar, nën dyshimin se i njëjti me datën e cekur ka shkuar në shtëpinë e viktimës ish-bashkëshortes së tij dhe të njëjtën e ka sulmuar fizikisht duke i shkaktuar lëndime, ndërsa viktima kishte edhe urdhër mbrojtës. Viktimës i është ofruar tretman mjekësor, ndërsa i dyshuari pas intervistimit, me urdhër të prokurorit është dërguar në mbajtje”, thuhet në raport.
(Kosova Sot Online)