Në Kalanë e Vuçakut në Drenas zbulohet një altar romak

  • E.K /
  • 29 June 2024 - 15:32
Në Kalanë e Vuçakut në Drenas zbulohet një altar romak

Ministri i Kulturës, Hajrulla Çeku, ka njoftuar se një ekip arkeologësh kanë gjetur në murin e Kalasë së Vuçakut në Drenas një altar romak të gjysmës së parë të shek.III, pas Krishtit, përcjell “Kosova Sot Online”.

Çeku tha se kjo ndodhi vetëm pak muaj pas fillimeve të gërmimeve dhe tha se ky zbulim është “tejet i rëndësishëm”.

Tutje, ministry ka shkruar se altari është i një rëndësie të veçantë dhe tregues se ka vazhdueshmëri jetese që nga parahistoria, antika deri në mesjetë.

“Vetëm pak kohë pas fillimit të gërmimeve arkeologjike në Kalanë e Vuçakut në Drenas, tashmë kemi zbulimin e parë tejet të rëndësishëm. Ekipi i ekspertëve, i përbërë nga arkeologu Shafi Gashi, Sali Islami dhe Arbnor Morina, në murin rrethues të kalasë kanë zbuluar një altar romak të gjysmës së parë të shek.III, pas krishtit. Objekti është një spolie e ripërdorur në ndërtimin e kalasë së periudhës së Justinianit (527-565 p. Kr). Altari është i një rëndësie të veçantë dhe tregues se ka vazhdueshmëri jetese që nga parahistoria, antika deri në mesjetë”.

(Kosova Sot Online)