![BE dhe SHBA, presion Serbisë: Marrëdhëniet me Rusinë “nuk janë normale”](/uploads/kosova-sot/images/2024/July/03/200x200_Capture-6-600x3601719997910.png)
Vdes në moshën 88 vjeçare shkrimtari i madh shqiptar, Ismail Kadare
![Vdes në moshën 88 vjeçare shkrimtari i madh shqiptar, Ismail Kadare](/uploads/kosova-sot/images/2024/July/01/auto_000_Nic64148741719818512.jpg)
Ka vdekur shkrimtari më i madh shqiptar, Ismail Kadare, në moshën 88-vjeçare, transmeton "Kosova Sot Online".
Ai lindi në Gjirokastër, më 28 janar të vitit 1936. Ishte akademik, politikan, ish-deputet i Kuvendit Popullor (1970-’82), zv/kryetar i Frontit Demokratik dhe një ndër shkrimtarët më të mëdhenj bashkëkohorë.
Si shkrimtar u shqua kryesisht për prozë, por kontributi i tij u shtri edhe në dramaturgji, poezi dhe përkthime. Nisi të shkruajë kur ishte ende i ri, fillimisht poezi, me të cilat u bë i njohur, e më pas edhe prozë, duke u bërë prozatori kryesor shqiptar. Veprat e tij janë përkthyer në rreth 45 gjuhë të ndryshme, duke qenë kështu përfaqësues kryesor i letërsisë shqipe nëpër botë.
Në vitin 1996, Kadare u bë anëtar i përhershëm i Akademisë së Shkencave Morale dhe Politike në Francë. Është nderuar me shumë çmime ndërkombëtare, mes të cilëve Çmimin “Man Booker International” më 2005, çmimin “Princ i Asturias” për Artet më 2009 dhe Çmimin “Jeruzalem” më 2015. Viteve të fundit, ai e ndante kohën e tij mes Francës dhe Shqipërisë
(Kosova Sot Online)