![Kryeministri francez paralajmëron ardhjen në pushtet të së djathtës së skajshme](/uploads/kosova-sot/images/2020/December/10/200x200_Franca1607588294.jpg)
Osmani: Kosova qëndron e gatshme të punojë dhe e mbështetë Hungarinë
![Osmani: Kosova qëndron e gatshme të punojë dhe e mbështetë Hungarinë](/uploads/kosova-sot/images/2024/May/27/auto_vjosa-osmani-presidente-1-600x360_11716805642.jpg)
Presidentja e Kosovës, Vjosa Osmani në organizimin që sot u bë nga Ambasada e Hungarisë në shënimin e fillimit të presidencës hungareze të Këshillit të BE-së për gjysmën e dytë të këtij viti ka thënë se duhet të hiqen masat ndaj Kosovës, transmeton gazeta “Kosova Sot Online”.
Ajo ndër tjera ka thënë se vendosmëria për t’iu bashkuar BE-së mbetet e palëkundur dhe ka ardhur koha për hapa konkretë përpara.
“Kosova qëndron e gatshme të punojë dhe e mbështetë Hungarinë në adresimin e sfidave të përbashkëta, dhe të punojmë për një të ardhme më të mirë për të gjithë. Vendosmëria jonë për t’iu bashkuar BE-së mbetet e palëkundur dhe ka ardhur koha për hapa konkretë përpara. Është ndërtimi i një Evrope të bazuar në parimin e barazisë, drejtësisë dhe të drejtave të njeriut, kështu që le të jenë këto parime udhëzuese me shpresën që Hungaria të udhëheqë BE-në, me hapa konkretë duke i ofruar Kosovës statusin e kandidatit të merituar prej kohësh. Si dhe duke hequr urgjentisht masat që po dëmtojnë mirëqenien e qytetarëve tanë”, ka thënë Osmani.
(Kosova Sot Online)