![Parashikimi i motit për sot dhe ditët në vijim](/uploads/kosova-sot/images/2022/September/08/200x200_nxehte1662617300.jpg)
Bislimi: Petkoviq nuk ishte i interesuar as të bisedojë për planin e sekuencimit
![Bislimi: Petkoviq nuk ishte i interesuar as të bisedojë për planin e sekuencimit](/uploads/kosova-sot/images/2023/July/18/auto_auto_besnik-bislimi-petar-petkovic-unnamed-51-600x36016841305351689681195.webp)
Pala serbe ishte e interesuar të bisedojë vetëm për zbatimin e një pjese të Marrëveshjes Bazë, themelimin e Asociacionit të komunave me shumicë serbe, gjatë bisedimeve në Bruksel, tha të martën vonë kryenegociatori i Kosovës në bisedimet me Serbinë, Besnik Bislimi, transmeton gazeta "Kosova Sot Online".
Ai dhe kryenegociatori i Serbisë, Petar Petkoviq, u takuan të martën me ndërmjetësimin e përfaqësuesit të posaçëm të BE-së, Mirosllav Lajçak.
“Pika e vetme e agjendës në të cilën ne duhej të shënonin përparim ishte diskutimi i finalizimit të planit të sekuencimit. Megjithatë nga pala serbe u bë e qartë prej fillimit se ata duan të zbatojnë vetëm pjesë të Marrëveshjes Bazë, që janë në harmoni me vijat e tyre të kuqe. Ne nuk i kemi parë kurrë ato vija të kuqe. Petkoviq nuk ishte i interesuar as të bisedojë për planin e sekuencimit”, tha Bislimi për gazetarë pas takimit.
Petkoviq, ndërkohë, i cilësoi takimet si “të vështira, dhe shtoi se ai nguli këmbë në themelimin e Asociacionit të komunave me shumicë serbe.
(Kosova Sot Online)