![DASH: Serbia t’i sjellë para drejtësisë autorët e vrasjes së vëllezërve Bytyqi](/uploads/kosova-sot/images/2024/May/21/200x200_DASH-600x3601716271854.png)
Albin Kurti në Turqi, takohet me kryetaren e parë grua me prejardhje shqiptare në komunën e Foçës
![Albin Kurti në Turqi, takohet me kryetaren e parë grua me prejardhje shqiptare në komunën e Foçës](/uploads/kosova-sot/images/2024/July/05/auto_Albin-Kurti-kryeminister-i-Kosoves1720187508.png)
Kryeministri i Kosovës, Albin Kurti, është takuar me kryetaren e parë grua në komunën e Foçës, në provincën e Izmirit, Saniye Bora Fici, përcjell “Kosova Sot Online”.
Shefi i qeverisë tha se ajo është me prejardhje shqiptare, dhe bashkë me familjen e saj, nuk u shkëputën nga identiteti e kujtesa e tyre kombëtare.
Postimi i plotë i Kurtit:
Saniye Bora Fıçı është Kryetarja e parë grua e Komunës së Foçës, në provincën e Izmirit. Ajo është me prejardhje shqiptare. Stërgjyshi dhe stërgjyshja e saj u shpërngulën në Turqi në vitin 1912, por asnjëherë nuk u shkëputën nga identiteti e kujtesa e tyre kombëtare.
Si trashëgimtarja e tyre, përfaqësuese e mërgatës sonë e shërbyese publike e banorëve të komunës që drejton, Saniye na mirëpriti ngrohtësisht e bashkë biseduam rreth kontributit të mërgatës shqiptare në Izmir dhe Turqi, dhe për rolin e saj në raportet dypalëshe ndërmjet Kosovës dhe Turqisë.
(Kosova Sot Online)