Arrestohet 28-vjeçari i shpallur në kërkim

Policia Kufitare ka realizuar arrestimin e Enea Arapit, 28 vjeç, nga Maliqi, i cili ishte në kërkim për plagosje të rëndë me dashje nga Gjykata e Korçës. Arrestimi është bërë gjatë një operacioni në Kakavijë, hyrjen e Republikës së Shqipërisë, transmeton gazeta "Kosova Sot Online".

Shërbimet e Policisë të angazhuara maksimalisht për krijimin e lehtësirave, eleminimin e rradhëve në hyrje/dalje të vendit, për shkak të fluksit në sezonin turistik.

Ndërkohë Policia Kufitare ka shtuar masat dhe për parandalimin e goditjen e paligjshmërive që mund të zhvillohen duke përfituar nga fluksi i lartë.

Si rezultat i verifikimit të shtetasve në hyrje/dalje dhe shkëmbimit të informacioneve me DVP Korçë, Policia Kufitare në hyrje të RSH-së, kapi shtetasin e shpallur në kërkim:

Enea Arapi, 28 vjeç, banues në fshatin Rrëmbec, Maliq.

Gjykata e Korçës e ka dënuar këtë shtetas, me 3 vjet e 6 muaj burgim, për veprën penale “Plagosja e rëndë me dashje”.

Ky shtetas më datë 15.03.2018 gjatë një konflikti të çastit ka goditur me send të fortë (kaçavidë), një shtetas.

Veprimet e tjera procedurale për këtë shtetas do të kryhen nga DVP Korçë.

(Kosova Sot Online)