Vetaksident me fatalitet në Bërnjak: Njëri pasagjer vdes, arrestohet shoferi

Një vetaksident i rëndë me fatalitet ka ndodhur dje në Bërnjak, ku një person ka ndërruar jetë, përcjell “Kosova Sot Online”.

Policia njofton se në rrugën nacionale Zubin Potok – Bërnjak, si pasojë e mospërshtatjes së shpejtësisë me kushtet e rrugës vetura ka dalë nga rruga dhe është përplasur me një shkëmb.

Lëndime kanë pësuar edhe dy persona tjerë.

Policia ka njoftuar se shoferi i veturës është arrestuar dhe është dërguar në mbajtje.

“AKSIDENT TRAFIKU ME FATALITET- Fsh. Bernjak / 07.07.2024 – 23:00. Raportohet se ka ndodhur një vet-aksident trafiku në rrugën nacionale Zubin Potok – Bërnjak, ku si pasojë e mospërshtatjes së shpejtësisë me kushtet e rrugës vetura që drejtohej nga i dyshuari shtetas i Serbisë, ka dalur nga rruga duke u përplasur me një shkëmb. Si pasojë e aksidentit tre pasagjerët meshkuj kosovarë kanë pësuar lëndime trupore ku sipas mjekëve në Spitalin e Mitrovicës njëri prej tyre ka vdekur. Me vendim të prokurorit trupi i pajetë është dërguar në obduksion, ndërsa i dyshuari (drejtuesi i veturës) është arrestuar dhe dërguar në mbajtje.”

(Kosova Sot Online)