Publikohen rezultatet e Testit të Arritshmërisë, kaq është kalueshmëria

Ministria e Arsimit, Shkencës, Teknologjisë dhe Inovacionit (MAShTI), ka publikuar rezultatet e Testit të Arritshmërisë, të cilit i janë nënshtruar mbi 22 mijë nxënës të klasave të nënta, përcjell “Kosova Sot Online”.

Në njoftimin për media thuhet se këtë vit kalueshmëria në testin e Arritshmërisë në gjithë vendin është 52.1%.

Arritshmëria në gjuhën shqipe është 56.9%, në gjuhën angleze është 69.3%, në Histori është 57.5%, në Gjeografi është 56.8%, në Matematikë është 43.1%, në Informatikë është 47.4%, në Fizikë është 46.5%, në Kimi është 43,4% dhe në Biologji është 48.8%

Afati i ankesave është deri më 12.07.2024.

(Kosova Sot Online)