Bulliqi: Rendimentet me grurë sivjet më të lartat që nga paslufta

Kryetari i Podujevës, Shpejtim Bulliqi, ka thënë se sivjet do të ketë rekord rendimenti me grurë, përcjell “Kosova Sot Online”.

Bulliqi ka shkruar se nga bisedat me fermerë sivjet rendimentet me grurë janë më të lartat që nga paslufta.

“Ka pak ditë që në Podujevë ka filluar fushata e korrje-shirjeve të grurit. Nga bisedat me fermerë sivjet rendimentet me grurë janë më të lartat që nga paslufta, nga 6 mijë deri në 7.2 mijë kg për hektar. Për ta përcjellur fushatën ishim sot tek Vëllëzërit Sejdiu, të cilët kanë mbjellur mbi 150 hektarë me grurë dhe 150 hektarë të tjerë me kultura të tjera bujqësore. Fermerëve llapjanë iu urova që fushata e korrje-shirjeve t’iu ecë mbarë dhe me sa më shumë bereqet! Nga toka jonë për bukën tonë!”, ka shkruar Bulliqi.

(Kosova Sot Online)