![S’lejohen më ambulancat e spitaleve private, automjetet për bartjen e kufomave dhe taksitë në oborrin e QKUK’së](/uploads/kosova-sot/images/2024/August/26/200x200_457066077_810096701288034_3676525937493292041_n-600x3601724672055.jpg)
Nagavci: Interesimi për Programin e Gjuhës dhe Letërsisë Shqipe është shtuar
![Nagavci: Interesimi për Programin e Gjuhës dhe Letërsisë Shqipe është shtuar](/uploads/kosova-sot/images/2023/December/05/auto_arberie-nagavci-600x3601701775040.png)
Ministrja e Arsimit Arbërie Nagavci ka bërë të ditur se është vërejtur një interesim i shtuar i aplikantëve në Universitetin e Prishtinës, për të zënë një vend në studimin e Programit të Gjuhës dhe Letërsisë Shqipe, për dallim nga viti i kaluar, transmeton gazeta "Kosova Sot Online".
Ministrja e Arsimit Arbërie Nagavci, ka thënë se këtë e tregojnë të dhënat e UP-së, ndërsa shtoi se sot është mbyllur afati për regjistrimin e studentëve në këtë universitet.
“Në vitin e ri akademik në Programin Gjuhë Shqipe dhe Letërsi Shqipe do të pranohen gjithsej 120 studentë apo 60 studentë në secilin drejtim. Deri në ora 16:00 në Programin Gjuhë Shqipe kanë aplikuar 137 studentë (85% më shumë se vitin e kaluar), kurse në Programin Letërsi Shqipe kanë aplikuar 102 studentë (94% më shumë se vitin e kaluar). Interesimi për këto drejtime është shtuar për shkak se për herë të parë MASHTI do të ofrojë bursa vjetore për studentët që regjistrohen në këto programe. Shuma e bursës është 1 mijë euro në vit për student”, shtoi ajo në statusin e publikuar në Facebook.
Nagavci u shpreh shumë e lumtur që tashmë është rritur interesimi për këto programe dhe nuk rrezikohet mbyllja e tyre.
“Mbështetja jonë për Gjuhën dhe Letërsinë shqipe do të vazhdojë edhe përmes nismave tjera”, ka theksuar ajo.
(Kosova Sot Online)