Policia jep detaje për arrestimin e Nazmi Mulakut

Policia e Kosovës dje ka arrestuar dy persona në Vushtrri, në mesin e të cilëve ishte Nazmi Mulaku, i njohur në rrjetet sociale si “Bio Mulaku”, i cili pretendonte se ishte mjek popullor, përcjell “Kosova Sot Online”.

Lidhur me arrestimin e tij policia përmes raportit 24-orësh ka dhënë detaje të reja.

I njëjti thuhet se dyshohet se ka kryer veprën penale “Ushtrim i kundërligjshëm i veprimtarisë mjekësore ose farmaceutike e mashtrim”.

“Janë arrestuar dy të dyshuar meshkuj kosovarë, me dyshimin e bazuar se kishin ushtruar veprimtari mjekësore pa pasur kualifikime profesionale, duke mashtruar persona të ndryshëm kinse janë duke i shëruar nga sëmundje të ndryshme. Me vendim të prokurorit, të dyshuarit janë dërguar në mbajtje”, ka njoftuar Policia.

(Kosova Sot Online)