Konfirmohet vizita e kancelarit Scholz në Serbi

Zëdhënësi i Qeverisë Gjermane, Steffen Hebstreit, ka konfirmuar se kancelari gjerman, Olaf Scholz, do të takohet me presidentin e Serbisë, Aleksander Vuçiq, më 19 korrik në Beograd,  transmeton gazeta "Kosova Sot Online".

Siç raporton Danas, fokusi do të jetë në çështjet e politikave ndërshtetërore, si dhe ato ndërkombëtare dhe evropiane.

Të dy liderët pritet të marrin pjesë më pas edhe në “Samitin e lëndëve të para të rëndësishme”, sipas zëdhënësit të Qeverisë gjermane.

Si pjesë e samitit, Danas raporton se do të nënshkruhet një memorandum mirëkuptimi midis Serbisë dhe Komisionit të BE-së për partneritetin strategjik për lëndët e para të qëndrueshme, zinxhirët e prodhimit të baterive dhe automjetet elektrike.

Më pas, rreth orës 10:50 është planifikuar një konferencë e përbashkët për shtyp për kancelarin Scholz dhe presidentin serb Vuçiq.

(Kosova Sot Online)