Vitia: Po vazhdojmë me transformim, klinikë për klinikë
Ministri i Shëndetësisë, Arben Vitia, ka njoftuar se është kompletuar Urologjia, transmeton gazeta "Kosova Sot Online".
“Pas investimeve në repart dhe përfundimit të punimeve në bllokun operativ, urologjia u shndërrua nga klinika me kushtet më të rënda në klinikë model.”
Ai ka thënë se numri i sallave nga 2 tash është 4 “një për intervenimet e vogla kirurgjike dhe një për intervenimet endourologjike”
Vitia ka shtuar se është siguruar hapësira për sallën e urodinamikës.
Ministri ka thënë se janë vendosur filter zona për eliminimin e infeksioneve intrahospitalore, hepafiltera dhe sistemi i oksigjenit, klimatizimit, ventilimit dhe ngrohjes.
“Vazhdojmë me transformim, klinikë për klinikë”, ka shkruar Vitia.
(Kosova Sot Online)
