Lexoni edhe:
12 vite burgim për Ekrem Bajroviqin për krime lufte kundër civilëve më 1999
Publikohet harta e botes: Nga Australia, SHBA dhe Europa, të gjitha shtetet që u prekën nga rënia e sistemeve të IT
E gjithë bota po kalon një “black out” pas rënies së sistemeve të IT. Të dhënat nga burime të ndryshme tregojnë se rrjetet dhe shërbimet janë prekur në të gjithë globin pasi një përditësim i softuerit të ofruar nga kompania CrowdStrike thuhet se shkaktoi probleme me kompjuterët që funksionojnë me Windows, transmeton "Kosova sot Online".
Sipas një harte të drejtpërdrejtë të ofruar nga kompania e monitorimit të internetit Thousand Eyes, aplikacionet dhe rrjetet kanë raportuar ndërprerje në të gjitha kontinentet.
Harta tregon një numër veçanërisht të lartë të ndërprerjeve të raportuara në Europë, Shtetet e Bashkuara dhe Australi. Sipas Google Trends, kërkimet për termin ‘ekran blu’ janë rritur në nivel global. Kjo i referohet ekranit blu dhe tekstit të shfaqur në kompjuterët e prekur.
Ndërprerje janë raportuar në Australi, Zelandën e Re, Japoni dhe Indi.
Kërkimet për ‘Ëindoës’ janë rritur gjithashtu në mbarë botën, duke iu referuar sistemeve operative të prekura nga problemet.
Ndërsa të dhënat për sot janë ende të paplota, duket sikur interesi për termin “Microsoft down” mund të jetë në një kulm historik.
(Kosova sot Online )
