Ferizaj: Në zonën e kufizimit 40 km/h po zhvillonin gara shpejtësie 144 km/h, gjobiten dy 20 vjeçarët

Policia në Ferizaj ka njoftuar se ka gjobitur dy shoferë të cilët ishin duke zhilluar gara të shpejtësisë, ku janë gjobitur me nga 1000 euro, përcjell "Kosova Sot Online".

Shoferët në fjalë në zonën e kufizimit  40 km/h po zhvillonin shpejtësi 144 km/h, duke i rrezikuar pjesëmarrësit në komunikacionin rrugor.

‘‘Policia Rajonale e Komunakacionit Rrugor në Ferizaj, me datën 21.07.2024  rreth orës 02:10 në rrugën ’’Rexhep Bislimi ’’ në Ferizaj ka ndaluar dy shoferët : M.H(M/K) i moshës 20 vjeçar dhe G.S ( M/K) i moshës 20 vjeçar, të dy me venbanim në Francë, të cilët me veturat e tyre po bënin gara të shpejtësisë, ku në zonën e kufizimit  40 km/h po zhvillonin shpejtësi 144 km/h, duke i rrezikuar pjesëmarrësit në komunikacionin rrugor.’’

‘’Ndaj tyre policia u shqiptoi nga një gjobë për kundërvajtje sipas ligjit të komunikacionit rrugor, me dënim 1000 euro, gjobë e cila me pëlqimin e palëve u shqiptua edhe për masën mbrojtëse dhe pikët negative, për shtetasit e huaj.’’

Policia në Ferizaj ka bërë apel tek shoferët e automjeteve që të respektojnë  shenjat dhe rregullat e komunikacionit.

‘’Veprimet e tilla rrezikojnë direkt jetën e tyre dhe pjesëmarrësve tjerë në komunikacion dhe fton qytetarët të bashkëpunojnë me policinë.’’

(Kosova Sot Online)