![Bllokohen për qytetarët e Kosovës tri pika kufitare nga ana e Serbisë](/uploads/kosova-sot/images/2022/December/28/200x200_kolona-merdare1672217192.jpg)
Serbia ka dërguar shenja të gishtërinjve në Kosovë, analizat tregojnë se përputhen me ato te Faton Hajrizit
![Serbia ka dërguar shenja të gishtërinjve në Kosovë, analizat tregojnë se përputhen me ato te Faton Hajrizit](/uploads/kosova-sot/images/2024/July/20/auto_faton-3-600x360_11721460796.png)
Ministria e Punëve të Jashtme dhe Diasporës ka dalë me njoftim për rastin e Faton Hajrizit, ku institucionet serbe kanë deklaruar se e kanë vrarë, transmeton "Kosova Sot Online".
MPJD thotë se janë njoftuar nga Drejtoria e Bashkëpunimit Ndërkombëtar Policor – ILECU e Policisë së Kosovës se autoritetet serbe, më datë 22/07/2024, kanë dërguar shenjat e gishtërinjve të një personi dhe të njejtat shenja së bashku me shenjat e gishtërinjve të qytetarit të Kosovës, Faton Hajrizi, janë përcjellë në Agjencinë e Kosovës për Forenzikë, ku pas krahasimit nga AKF, ILECU ka pranuar përgjigje se këto gjurmë i përkasin qytetarit të raportuar si i vrarë, Faton Hajrizi.
“Lidhur me rastin e pretenduar nga ana e Serbisë të vrasjes së qytetarit të Kosovës në Serbi, informojmë opinionin publik që sapo jemi njoftuar nga Drejtoria e Bashkëpunimit Ndërkombëtar Policor – ILECU e Policisë së Kosovës se autoritetet serbe, më datë 22/07/2024, kanë dërguar shenjat e gishtërinjve të një personi dhe të njejtat shenja së bashku me shenjat e gishtërinjve të qytetarit të Kosovës, Faton Hajrizi, janë përcjellë në Agjencinë e Kosovës për Forenzikë, ku pas krahasimit nga AKF, ILECU ka pranuar përgjigje se këto gjurmë i përkasin qytetarit të raportuar si i vrarë, Faton Hajrizi”.
“Duke lutur opinionin që të gjitha këto lajme nga Serbia të merren me rezervë deri në konfirmimin e plotë të tyre, Ministria e Punëve të Jashtme dhe Diasporës do t’ju mbajë të informuar sapo të ketë informacione të reja në lidhje me këtë”, thuhet në njoftimin e MPJD-së.
(Kosova Sot Online)