Maqedonci: Në kuadër të strukturës së FSK-së është e paraparë edhe helikopterët

Ministri i Mbrojtjes, Ejup Maqedonci, ka thënë se Forca e Sigurisë së Kosovës e sheh të nevojshme edhe posedimin qoftë të paktën e një helikopteri si një aset i nevojshëm, përcjell "Kosova Sot Online".

Maqedonci tha se janë në diskutime me ambasadën e SHBA-ve dhe departamentin e Mbrojtjes së SHBA-së për posedimin e helikopterëve.

“Në kuadër të strukturës së FSK-së është e paraparë edhe helikopterët. Jemi në diskutim me Ambasadën e SHBA-ve, me departamentin e Mbrojtjes. Helikopterët janë pjesë e fazës së tretë të tranzicionit, një prej aseteve të nevojshme, të paktën për mbështetjen e autoriteteve civile. Pas luftës së Ukrainës, formati ka ndryshuar. Helikopterët nuk e kanë efektin luftarak që kanë pasur në të kaluarën, por të rëndësishme sidomos për kërkim-shpëtimit, evakiumit mjekësor”, deklaroi Maqedonci.

(Kosova Sot Online)