![Kraki, me disa studentë janë takuar me kryeministrin Kurti](/uploads/kosova-sot/images/2024/September/07/200x200_krrr1725708597.jpg)
Arrestohet personi që u pa në foto duke përdorë dhunë ndaj forcave të sigurisë në Zveçan vitin e kaluar
![Arrestohet personi që u pa në foto duke përdorë dhunë ndaj forcave të sigurisë në Zveçan vitin e kaluar](/uploads/kosova-sot/images/2024/July/24/auto_I-dyshuari-i-arrestuar-600x3601721849084.jpg)
Pas një pune hetimore dhe operative të ekipeve të Policisë së Kosovës është lokalizuar në rajonin e Mitrovicës Jug, i dyshuari me iniciale (D.D.) ndaj të cilit ishte ngritur kallëzim penal në Prokurorinë Speciale, lidhur me rastin e sulmit ndaj autoriteteve/forcave ndërkombëtare të sigurisë në Kosovë me datë 29.05.2023, i identifikuar si njëri ndër personat që ka përdor dhunë në mënyrë aktive në Zveçan, transmeton "Kosova Sot Online".
Policia njofton se ai dyshohet për veprat penale: Bashkim për veprimtari kundër kushtetuese, me qëllim të sulmit kundër rendit kushtetues të Republikës së Kosovës, Rrezikim i personave nën mbrojtje ndërkombëtare, Pjesëmarrja në turmë që kryen vepër penale dhe huliganizmi dh Sulm ndaj personit zyrtar.
“Të gjitha veprimet e mëtejme do të ndërmerren në bashkëpunim dhe koordinim me organet e drejtësisë”, tha policia.
Policia konfirmon se në foton më poshtë është i dyshuari duke sulmuar me mjete të forta me datë 29 Maj 2023.
(Kosova Sot Online)