Lexoni edhe:
Zyrtarja e MAShTI-t: Arritëm ta ulim çmimin e teksteve shkollore, shtëpitë botuese ishin kundër
Jashari ndan mirënjohje për kontingjentin e FSK-së që mori pjesë në një mision të realizuar në Mbretërinë e Bashkuar
Komandanti i FSK-së, Gjeneral lejtënant Bashkim Jashari, me rastin e përfundimit me sukses të rotacionit të Operacionit INTERFLEX, të realizuar në Mbretërinë e Bashkuar, priti kontingjentin e FSK-së i cili ka përfunduar misionin, transmeton "Kosova Sot Online ".
Me këtë rast KOMFSK falënderoi kontingjentin për profesionalizmin, përkushtimin dhe angazhimin gjatë shërbimit në këtë mision.
Jashari potencoi që ky kontingjent ka përfaqësuar Republikën e Kosovës në mënyrën më të mirë të mundur dhe si rezultat po vazhdohet edhe me kontingjente tjera.
Në fund, KOMFSK, ndau mirënjohje për kontingjentin për performancë të dalluar.
“Operacioni INTERFLEX është operacion shumëkombësh me qëllim të përgatitjes dhe aftësimit të ushtrisë ukrainase në luftën e tyre për mbrojtjen e sovranitetit dhe integritetit territorial ndaj agresionit rus.”, thuhet në njoftimin e FSK-së.
“Gjatë këtij mision gjashtë-mujor (Janar-Korrik 2024) pjesëtarët tanë së bashku me ushtarakë të Ushtrisë Britanike kanë qenë të angazhuar si instruktorë në trajnimin e Forcave të Armatosura të Ukrainës në detyra të ndryshme luftarake.”, thuhet tutje.
(Kosova Sot Online )
