Lexoni edhe:
Inspektorët ka vizituar vilat në Gazivode, tetë persona janë ftuar të dokumentojnë pronësinë e tyre brenda 7 ditëve
Demokratët lavdërojnë Bidenin pas adresimit drejtuar kombit
Demokratët seniorë janë radhitur krah Joe Biden pasi presidenti, në një fjalim drejtuar kombit, përshkroi në detaje arsyet e tij për dorëheqjen si kandidat në zgjedhjet e nëntorit, transmeton "Kosova Sot Online ".
Biden dha një mesazh reflektues dhe shpresëdhënës për nevojën për të filluar një kapitull të ri në historinë e Amerikës.
“Unë besoj se puna ime si president, lidershipi im në botë, vizioni im për të ardhmen e Amerikës meritojnë të gjitha një mandat të dytë, por asgjë – asgjë – nuk mund të pengojë shpëtimin e demokracisë sonë.
Kjo përfshin ambicien personale. Kështu që kam vendosur se mënyra më e mirë është t’ia kaloj pishtarin një brezi të ri. Është mënyra më e mirë për të bashkuar kombin tonë. E dini, ka një kohë dhe një vend për përvojë të gjatë në jetën publike. Ka gjithashtu një kohë dhe një vend për zëra të rinj, zëra të freskët – po, zëra më të rinj. Dhe kjo kohë dhe ky vend është tani”.
Pas fjalimit të tij, demokratë të lartë duke përfshirë Kamala Harris, Nancy Pelosi dhe Gavin Newsom dolën në mediat sociale për të treguar mbështetjen dhe mirënjohjen e tyre ndaj Biden.
(Kosova Sot Online )
