Në Paris Presidentja Osmani dhe Zotëriu i Parë priten nga Presidenti i Francës
Presidentja e Kosovës, Vjosa Osmani, me bashkëshortin Prindon Sadriu është pritur sot në Pallatin Elysse, nga presidenti i Francës, Emanuel Macron, në ceremoninë e hapjes zyrtare të Lojërave Olimpike Paris 2024, përcjell "Kosova Sot Online".
Osmani ka shkruar se fryma olimpike i kapërcen kufijtë.
“Në Pallatin Élysée, bashkë me Prindonin u mirëpritëm nga Presidenti Emmanuel Macron dhe Zonja e Parë, Brigitte Macron, në nder të hapjes zyrtare të Lojërave Olimpike Paris 2024. Fryma olimpike i kapërcen kufijtë, përbashkon njerëzit dhe kombet dhe tregon fuqinë e sportit”, thuhet në njoftimin e presidentes Osmani.
(Kosova Sot Online)
