Lexoni edhe:
Sistemi i drejtësisë urgjentisht duhet pastruar nga lidhjet e forta të bashkëjetesës me krimin e organizuar
Murati ankohet në Kushtetuesen: Ende s’është publikuar aktgjykimi i plotë për Ligjin për pagën minimale
Ministri i Financave, Hekuran Murati, ka thënë se aktgjykimi i plotë për Ligjin për Pagën Minimale ende nuk është publikuar, derisa ka shtuar se ka kaluar më shumë se një muaj që nga publikimi i njoftimit nga Gjykata Kushtetuese që konstaton se Ligji për Pagën Minimale nuk bie ndesh me Kushtetutën.
“Aktgjykimi i plotë për Ligjin për Pagën Minimale ende nuk është publikuar, megjithëse ka kaluar më shumë se një muaj që nga publikimi i njoftimit nga Gjykata Kushtetuese që konstaton se Ligji për Pagën Minimale nuk bie ndesh me Kushtetutën.”
Murati ka thënë se “janë me dhjetëra mijëra të punësuar që po e presin tash e një vit hyrjen në fuqi të këtij ligji, e me të edhe rritjen e pagës së tyre”.
“Sikur të mos mjaftonte vonesa prej 11 muajsh përgjatë shqyrtimit, ligji ende nuk është në fuqi për shkak të mos-publikimit të aktgjykimit të plotë”, ka shkruar ai.
(Kosova Sot Online )
