Lexoni edhe:
PSG i ofron Unitedit tre lojtarë për shkëmbimin e Sanchos
Deputeti Selmanaj e sulmon Kryeministrin Kurti: S’e ka hallin e minatorëve, por të rezultatit të zgjedhjeve
Deputeti i Lidhjes Demokratike të Kosovës, Driton Selmanaj, thotë se kryeministri, Albin Kurti, ka dështuar në të gjitha premtimet për minierën e Trepçës, transmeton "Kosova Sot Online".
Përmes një postimi në Facebook, Selmanaj ka publikuar një video të Kurtit me premtimet e tij për investimet në Trepçë. Ai theksoi që Kurti s’e ka hallin e minatorëve që jetojnë në kushte të tmerrshme, por te rezultati i zgjedhjeve parlamentare.
“Ndërsa sot, kur minatorët jetojnë në kushte të tmerrshme dhe ende nuk i kanë marrë pagat e dy muajve, Albin Kurti i premton vetes se në vitin 2025 do të fitojë edhe më shumë vota se në vitin 2021. Ky nuk e ka hallin e minatorëve dhe të kësaj shoqërie, por tek rezulltati i zgjedhjeve që do mbahen së shpejti”, shkroi Selmanaj.
(Kosova Sot Online )
