Franca thirrje qytetarëve të saj të largohen nga Irani

Franca u bëri thirrje sot qytetarëve francezë ende në Iran që të largohen nga vendi sa më shpejt të jetë e mundur, për shkak të rrezikut të shtuar të përshkallëzimit ushtarak midis Izraelit dhe Teheranit pas vrasjes së një udhëheqësi të Hamasit që i atribuohet Izraelit, transmeton gazeta “Kosova Sot Online”.

Ministria e Jashtme franceze, e cila nuk specifikon numrin e francezëve që mund të preken nga ky udhëzim i ri, kujton se i gjithë territori iranian është vënë në të kuqe në kartën e këshillimit për udhëtarët.

“Prandaj ne zyrtarisht i ndalojmë shtetasit francezë të udhëtojnë në Iran, pavarësisht nga arsyeja për udhëtimin e tyre”, thuhet më tej.

Ismail Haniya, lideri politik i lëvizjes islamike palestineze Hamas, u vra dje, të mërkurën, në Teheran. 

(Kosova Sot Online)