Një operacion i madh është zhvilluar sot në këtë vend të Kosovës

Raportohet se në lagjen Emshir u arrestua një person i shumëkërkuar, pas një operacioni policor sot në Prishtinë, transmeton gazeta “Kosova Sot Online”.

Zëdhënësi i Policisë, Daut Hoxha thekson se rezultatet e operacionit do të bëhen të ditura më vonë, por konfirmoi operacionin e zhvilluar edhe “me mbështetje edhe të njësive speciale”.

“Ju konfirmoj se sot në orët e pasditës në Prishtinë, Policia e Kosovës, konkretisht njësia FAST-ILECU ka realizuar një operacion në mbeshtetje edhe të njësive speciale”, tha Hoxha.

Disa media raportuan se personi i arrestuar është shtetasi i Shqipërisë Arben Lamçe.

Lamçe është i kërkuar nga autoritetet shqiptare, konkretisht nga Struktura e Posaçme kundër Korrupsionit dhe Krimit të Organizuar, e njohur si SPAK.

(Kosova Sot Online)