Mustafa: Qëndrimi i LDK’së është që ura duhet të hapet
Deputeti i LDK-së, Besian Mustafa, ka reaguar sot lidhur me zhvillimet rreth përpjekjes së Qeverisë së Kosovës për hapjen e Urës së Ibrit pa e marrë “aminin” e aleatëve, transmeton gazeta "Kosova Sot Online".
Mustafa ka thënë se duhet të injorohet propaganda e pushtetit dhe ka potencuar se Ura mbi Ibër s’është hapur meqë shteti i Kosovës s’ka arritur ta bind NATO-n për diçka të tillë.
Mustafa ka thënë se pushteti duhet të bind NATO-n për hapjen e Urës sa merret me betejën me faktorin politik shqiptar.
Reagimi i plotë:
Injorojeni propagandën! Ripërsëris qëndrimin e LDK-së:
Ura duhet të hapet!
Nuk ka faktor politik shqiptar që ka qëndrim ndryshe mbi këtë çështje tash e 25 vjet!
Ura nuk është hapur sepse shteti i Kosovës nuk ka arritur të bindë NATO-n për një gjë të tillë. Sa shpenzon kohë ky pushtet popullist e propagandues në betejën për vota me faktorin shqiptar, ta shpenzojë këtë kohë me bindjen e ushtarëve të NATO-s që sot janë mbi urë!
Injorojeni propagandën!
(Kosova Sot Online)
