Bjeshkët e Prevallës janë përfshirë nga një zjarr

Bjeshkët e Prevallës janë përfshirë nga një zjarr i madh që ende deri tani nuk është shuar, transmeton gazeta “Kosova Sot Online”.

Zëdhënësi i Policisë për rajonin e Prizrenit, Shaqir Bytyçi ka deklaruar se Policia po i vihen në ndihmë zjarrfikësve dhe shërbimeve emergjente në përpjekjen për shuarjen e zjarreve.

Sipas tij, kësaj përpjekjeje i janë bashkëngjitur edhe disa vullneratë.

“Lidhur me zjarrin në bjeshkët e Prevallës që në orët e mëngjesit, sot me datë 11.08.2024,  komandanti i Stacionit Policor të Prizrenit ka pas takim me drejtoreshën e Emergjencave të Komunës së Prizrenit dhe zyrtarë të tjerë dhe së bashku janë koordinuar për veprimet për shuarjen e zjarrit. Policia është vënë në ndihmë të zjarrfikësve dhe shërbimeve emergjente. Bashkë me zjarrfikësit në ndihmë për shuarjen e zjarrit në Prevallë kanë shkuar edhe disa vullnetarë”, ka thënë Bytyçi.

(Kosova Sot Online)