Vjosa Osmani uron Pakistanin

Presidentja e Kosovës, Vjosa Osmani, e ka uruar Pakistanin për ditën kombëtare që shënohet më 14 gusht, transmeton gazeta “Kosova Sot Online”.

Ajo ka uruar presidentin e këtij shteti, Asif Ali Zardari.

Osmani ka thënë se janë të përkushtuar për forcimin e miqësisë ndërmjet dy vendeve.

“Urime për @PresOfPakistan Asif Ali Zardari dhe popullin e Pakistanit me rastin e Ditës së Pavarësisë së Pakistanit! Republika e Kosovës ju bashkohet në festimin e unitetit, shpirtit dhe trashëgimisë së pasur që përfaqësojnë kombin tuaj të madh. Ne mbetemi të përkushtuar për forcimin e miqësisë ndërmjet dy vendeve tona”, ka shkruar Osmani në “X”, të mërkurën. 

(Kosova Sot Online)