Gjilan: Vdes një person, u godit nga vetura

Një burrë ka ndërruar jetë në Gjilan pasi dje është goditur nga një veturë, përcjell “Kosova Sot Online”.

Policia bën me dije se viktima fillimisht është dërguar në QKUK për shkak të lëndimeve të rënda trupore. Aty edhe ka vdekur.

Ndërsa, trupi i pajetë është dërguar në IML për obduksion.

Policia ka njoftuar se I dyshuari që e goditi këmbësorin është dërguar në mbajtje.

“AKSIDENT TRAFIKU ME FATALITET – Rr. Idriz Seferi, Gjilan / 15.08.2024-20:00. Është arrestuar i dyshuari mashkull kosovar pasi që i njëjti duke drejtuar automjetin dyshohet se nga pakujdesia në vendkalim të këmbësorëve ka goditur këmbësorin viktimë mashkull kosovar të cilit i ka shkaktuar lëndime të rënda trupore. Viktima pasi është dërguar në QKUK ka ndërruar jetë, vdekjen e të cilit e ka konfirmuar ekipi mjekësor. Me vendim të prokurorit, trupi i pajetë është dërguar në IML për obduksion, ndërsa i dyshuari është dërguar në mbajtje”, thuhet në raport.

(Kosova Sot Online)