Osmanit do t’i jepet çmimi M100 Media Award në prani të Olaf Scholz

  • E.k /
  • 22 August 2024 - 11:56
Osmanit do t’i jepet çmimi M100 Media Award në prani të Olaf Scholz

Presidentja e Kosovës, Vjosa Osmani, është nderuar nga M100 Sanssouci Colloquium me Çmimin M100 Media Aëard për, siç tha dje Presidenca, përkushtimin e saj ndaj vlerave euroatlantike dhe për “punën e saj të palodhur në reforma, forcimin e demokracisë, kursin proevropian, luftën kundër korrupsionit, si dhe për barazinë dhe të drejtat e grave”, përcjell “Kosova Sot Online”.

Këtë çmim e ka pranuar edhe kryeministri i Polonisë, Donald Tusk.

Për këtë ka shkruar sot ambasadori gjerman, Jorn Rohde, i cili lavdëroi Osmanin për angazhim ndaj vlerave të përbashkëta.

“Urime Vjosa Osmani për këtë çmim që do të jepet në prani të kancelarit gjerman Olaf Scholz. Angazhimi juaj i vendosur ndaj vlerave tona të përbashkëta, lirisë dhe multilateralizmit e bëjnë Kosovën një zë kritik dhe shumë të nevojshëm në BE dhe më gjerë”.

Ceremonia e ndarjes së çmimit mbahet më 12 shtator në Orangery of Sanssouci Park në Potsdam. Fjalën kryesore me këtë rast do ta mbajë Kancelari i Gjermanisë, Olaf Scholz.

(Kosova Sot Online)

kosovasot gazeta Kosovare hitet muzike perputhen Big Brother VIP Albania Vjosa Osmani presidente