Biden: Ne do të vazhdojmë të punojmë gjatë gjithë kohës për një marrëveshje

Presidenti amerikan Joe Biden u zotua se “udhëheqësit e Hamasit do të paguajnë për këto krime. Dhe ne do të vazhdojmë të punojmë gjatë gjithë kohës për një marrëveshje për të siguruar lirimin e pengjeve të mbetura”, transmeton gazeta “Kosova Sot Online”.

Zëvendëspresidentja Kamala Harris tha në një deklaratë: “Unë dënoj fuqishëm brutalitetin e vazhdueshëm të Hamasit, dhe po ashtu edhe e gjithë bota”.

Harris, kandidatja demokrate për president, tha se ajo dhe Biden nuk do të lëkunden kurrë në angazhimin e tyre për të liruar amerikanët dhe të gjithë ata që mbahen peng në Gaza.

Duke folur me gazetarët më herët në Rehoboth Beach, Delaware, Biden tha se ai ishte “ende optimist” për një marrëveshje armëpushimi për të ndaluar konfliktin.

“Unë mendoj se jemi në prag të arritjes së një marrëveshjeje,” tha ai. “Është koha që kjo luftë të përfundojë.” Biden shtoi se “njerëzit po vazhdojnë të takohen”.

“Ne mendojmë se mund ta mbyllim marrëveshjen, ata të gjithë kanë thënë se janë dakord mbi parimet.”

(Kosova Sot Online)