Arrestohen disa persona për grabitje në Prishtinë

Tre persona janë arrestuar në Prishtinë pasi dyshohet se kanë qenë të përfshirë në dy raste të ndara të grabitjeve, transmeton gazeta “Kosova Sot Online”.

“Nga zyrtarët e Sektorit të Hetimeve të Kryeqytetit, në aksione të ndara,  janë arrestuar tre persona, për të cilin ekziston dyshimi i arsyeshëm se janë përfshirë në veprat grabitje.”

Rasti i parë është raportuar në shkurt të vitit 2024, ku në një banesë në rrugën “Rrustem Statovci” në Prishtinë, një shtetase të huaj i është grabitur portofoli.

Lidhur me këtë rast është identifikuar dhe arrestuari i dyshuari i cili është dërguar në mbajtje.

Ndërsa për rastin e dytë që është raportuar me datën 25.08.2024 në lagjen Dardania në Prishtinë, nga hetuesit policor janë identifikuar dhe arrestuar dy persona (të mitur) të dyshuar.

“Ndaj tyre  kanë filluar veprimet dhe procedurat e nevojshme policore lidhur me rastin, ndërkohë që me vendim të prokurorit  po mbahen në qendrën e  mbajtjes.”

(Kosova Sot Online)