Trajkoviq i mëson serbët në Veri si të protestojnë

Politikania serbe, Rada Trajkoviq, ka shkruar për ngjarjet e fundit në Veri të vendit dhe protestat që po organizohen nga disa serbë lokal edhe ndaj vizitave që zyrtarë të Qeverisë së Kosovës po zhvillojnë në atë pjesë të Republikës së Kosovës, transmeton gazeta “Kosova Sot Online”.

Trajkoviq ka shkruar në “X” se është gabim që serbët po protestojnë me fishkëllimë kundër çdo zyrtari të Kosovës që viziton veriun. Sipas saj, kjo “ndihmon edhe më shumë të paraqiten si drejtues përballë “bazës” nacionaliste”.

 Politikania serbe ka thënë se një bojkot civil do të ishte më efektiv.

“Heshtje dhe rrugë bosh. Pra, lërini të ecin vetëm”, ka shkruar Trajkoviq.

(Kosova Sot Online)