Profesori i njohur: Vuçiq po e pret një moment të favorshëm për një sulm në Kosovë

Profesori serb i Universitetit të Beogradit dhe ish-nëpunës civil Ivan Videnoviq ka bërë një paralajmërim të rëndë, veç pak orë pas atij të analistes Ivana Stradner, transmeton gazeta “Kosova Sot Online”.

Duke iu referuar fjalimit të presidentit serb në Asamblenë e Përgjithshme të OKB-së, Videonivq e thotë troç se Aleksandar Vuçiq po e pret vetëm një moment të favorshëm ndërkombëtar për një sulm të armatosur në Kosovë.

“Nëse bëni sikur nuk e kuptoni, Vuçiq tha në Nju Jork se Serbia nuk do të jetë kurrë një partner i besueshëm i BE-së, prandaj as anëtare e BE-së, sepse gjithmonë do të kërcënojë rrezikun e konflikteve rajonale dhe se Serbia. po pret vetëm një moment të favorshëm ndërkombëtar për një sulm të armatosur në Kosovë”, tha profesori i shquar nga Beogradi në platformën X.

Kujtojmë se profesori Videnoviq kritikoi ashpër regjimin e Vuçiqit, i cili u pasua me sulme masive nga makineria mediatike nën kontrollin e regjimit në Serbi.

(Kosova Sot Online)