Rama: Komuna ka nisur punimet për të liruar hapësirat tek vendi i quajtur 'Santea'

Kryetari i Prishtinës, Perparim Rama, ka njoftuar se Komuna ka nisur punimet për të liruar hapësirat tek vendi i quajtur “Santea” në lagjen Dardania të kryeqytetit, për t’i hapur rrugë vazhdimit të punimeve në atë pjesë, transmeton gazeta “Kosova Sot Online”.

Rama ka thënë se do të rregullohen hyrjet e banesave, platoja dhe do të bëhen ndërhyrje në përmirësimin e kanalizimit e ujërave të zeza.

“Po i lirojmë hapësirat te “Santea” në lagjen “Dardania” për t’i hapur rrugë vazhdimit të punimeve për transformimin e tërësishëm të kësaj zone.

Do të rregullojmë hyrjet e banesave, platonë, do të ndërhymë në përmirësimin e kanalizimit, problemit të ujërave të zeza në këtë pjesë ikonike të kryeqytetit.

Pas kryerjes së punimeve do të duket shumë më bukur!”, ka shkruar Rama.

(Kosova Sot Online)