Policia me aksion për të larguar veturat nga trotuaret

Policia në Shtime ka nisur një aksion për largimin e veturave nëpër vendparkingje të ndaluara me shenja të komunikacionit rrugor, transmeton gazeta “Kosova Sot Online”.

Në njoftimin thuhet se ky aksion është ndërmarrë pas disa ankesa të qytetarëve të Shtimes se shoferët po e pengojnë qarkullimin e lirë të këmbësorëve nëpër trotuare.

“Aksioni ka për qëllim lirimin e trotuareve dhe të rrugëve nga parkingjet e parregullta. Veç, vërejtjeve të shumta policore për drejuesit e autmjeteve, sot gjatë ditës policia ka shqiptuar 15 gjoba për kundërvajtje në komunikacion , kryesisht për parkingje të parregullta”.

“Policia e stacionit në Shtime do të vazhdojë edhe në ditët në vijim, me synim që trotuaret në qytetin e Shtimes të jeni të lira për këmbësorë. Ndërsa, ftojmë qytetarët që të bashkëpunojnë më policinë.”

(Kosova Sot Online)