Përmbytjet në jug të Bosnjës: Katastrofë që s’mbahet mend

Numri i viktimave është duke u rritur në zonën e Jabllanicës, në jug të Bosnjës, ku përmbytjet dhe rrëshqitjet e dheut kanë prekur shumë vendbanime përreth, transmeton gazeta “Kosova Sot Online”.

Të paktën 19 njerëz kanë vdekur në Bosnje e Hercegovinë dhe “shumë të tjerë” janë lënduar, pas reshjeve të shiut që shkaktuan edhe rrëshqitje të dheut.

Shërbimet e shpëtimit janë ende në kërkim të të zhdukurve, dhe shumë vullnetarë po ndihmojnë të prekurit për të sanuar dëmet rreth shtëpive të dëmtuara dhe të shkatërruara.

Një banore e fshatit Zllatë mes lotësh ka treguar se në mesin e të vdekurve ishte edhe një grua shtatzënë e cila ishte afër lindjes.

(Kosova Sot Online)