Maqedonci, ka realizuar një vizitë zyrtare në Tiranë

Ministri i Mbrojtjes, Ejup Maqedonci, ka realizuar një vizitë zyrtare në Tiranë, ku u prit me nderime të larta ushtarake nga homologu i tij, ministri i Mbrojtjes së Shqipërisë, Pirro Vengu, transmeton gazeta “Kosova Sot Online”.

Siç e përshkruan Ministria e Mbrojtjes, për Maqedoncin pati “pritje të ngrohtë e vëllazërore” ku u diskutua për thellimin dhe zgjerimin e bashkëpunimit në fushën e mbrojtjes dhe të arsimit ushtarak.

“Të dy ministrat pohuan se ky bashkëpunim do të vijojë edhe më intensiv në fushën e mbrojtjes, ndërsa u theksua për mundësinë e rritjes së numrit për studentët dhe oficerët e FSK-së në institucionet e edukimit ushtarak të Shqipërisë, si dhe do të mbështetjen dhe zhvillimin e kapaciteteve të përbashkëta, përfshirë edhe në fushën e emergjencave civile”.

Gjithashtu, Ministria thotë se në këtë takim u theksua vazhdimi i mbështetjes së Shqipërisë në aspiratat e Kosovës për integrim në familjen euroatlantike.

(Kosova Sot Online)