Kurti: Serbia na e ka sjellë katër herë ushtrinë afër kufirit

Kryeministri Albin Kurti ka thënë sot se ndaj Serbisë nuk kanë pasur të vendosura masa tregtare përveç se masa të sigurisë, transmeton gazeta “Kosova Sot Online”.

Në një konferencë për media, Kurti tha se Serbia katër herë e ka vendosur ushtrinë afër kufirit me Kosovën, teksa përmendi edhe konfiskimin e armatimeve në veri.

“Kosova nuk ka masa tregtare ndaj Serbisë. Kosova ka masa të sigurisë për shkak se për dy vjet na e ka sjellë katër herë ushtrinë afër kufirit dhe për shkak se kemi konfiskuar katër herë sasi të jashtëzakonshme, enorme të armatimit, në ndërkohë që grupi terrorist i Milan Radojçiq mbetet i lirë në Serbi”, ka thënë ai.

(Kosova Sot Online)