Vjosa Osmani takon presidenten e Sllovenisë

Presidentja e Kosovës, Vjosa Osmani gjatë qëndrimit të saj në Dubrovnik ka takuar edhe presidenten e Sllovenisë, Natasha Pirc Musar, transmeton gazeta “Kosova Sot Online”.

Osmani përmes një postimi në Facebook, ka shkruar se Kosova dhe Sllovenia kanë qenë krah njëra-tjetrës për vite me radhë, të nxitura nga vlerat e përbashkëta.

“Me Presidenten Pirc-Musar folëm për përkushtimin tonë të ndërsjellë që këtë aleancë të vazhdojmë ta forcojmë dhe avancojmë tutje”, thuhet në njoftimin e Presidentes Osmani.

(Kosova Sot Online)