Sherifi i Nismës kritikon Kurtin e Osmanin për FSK-në

Shqetësimet për shërbimet ushqimore të ushtarëve të FSK-së Bilall Sherifi i Nismës i ka komentuar me një citat të Mbretëreshës së fundit të Francës, Marie Antoinette. Ai ka thënë se “shpërfillja” e tyre ndaj kësaj situate po i ngjan frazës së famshme të Antoinette, transmeton gazeta “Kosova Sot Online”.

“Heshtja dyjavore e kryeministri Kurti dhe Presidentes Osmani ndaj skandalit të ushqimit për ushtarët e FSK-së, të kujton thënien e famshme të mbretëreshës Marie Antoinette kur u thoshte popullit francez: nëse s’keni bukë, hani biskota!”.

“Le të hanë ëmbëlsira”  – siç thuhet kjo ishte përgjigjja e mbretëreshës kur asaj iu tha se fshatarët e saj të uritur nuk kishin bukë. Për shkak se torta është më e shtrenjtë se buka, anekdota është përmendur si një shembull i pavëmendjen e Marie-Antoinette ndaj kushteve dhe jetës së përditshme të njerëzve të zakonshëm.

Megjithatë, presidentja Vjosa Osmani sot ka folur mbi kë temë dhe ka kërkuar një takim me ministrin e Mbrojtjes, Ejup Maqedonci dhe komandantin e FSK-së. 

Kështu ka konfirmuar këshilltari për media i presidentes Vjosa Osmani, Bekim Kupina, duke treguar se Osmani ka kërkuar një raport të detajuar nga komandanti i FSK-së për gjendjen.

(Kosova Sot Online)