Gërvalla: Pa diasporën Kosova nuk do ishte çliruar

Ministrja e Punëve të Brendshme dhe Diasporës, Donika Gërvalla, në një takim me mërgatën në Mynih të Gjermanisë, dhe se pa ta Kosova nuk do të mund ta arrinte çlirimin e saj, transmeton gazeta “Kosova Sot Online”.

Ndër të tjera, ministrja shton se as Qeveria Kurti, nuk do ta arrinte ndryshimin që e ka bërë në vitin 2021, njofton Klankosova.tv.

“Më lejoni të iu siguroj dhe një herë që ne fortë mirë e dimë në Kosovë, që pa ju Kosova as nuk do të ishte çliruar, dhe as ndryshimi të cilin së bashku e kemi arritur në 2021-ën nuk do të ishte realizuar”, tha Gërvalla.

Tutje, ajo shton se kjo qeveri ende nuk e ka arritur atë për të cilën është nisur, dhe se bashkë me diasporën dhe qytetarët e Kosovës, do ta arrijë këtë.

“Do të kemi edhe shumë punë për të bërë sepse ende nuk jemi aty për ku jemi nisur, por së bashku me ju dhe së bashku me qytetarët që janë në Kosovë, jam shumë e bindur që kur të takohemi herën tjetër do të jemi edhe më ballëlartë, edhe më krenarë për arritjet tona”, u shpreh Gërvalla.

Bashkë me ministren, në Mynih ishte dhe kryeministri, Albin Kurti.

(Kosova Sot Online)