Ja momenti kur Ilir Meta arrestohet në komunikacion

Ish-presidenti i Shqipërisë Ilir Meta u arrestua në komunikacion, pak minuta para se të mbërrinte në selinë e Partisë së Lirisë, ku kishte paralajmëruar një konferencë për shtyp me gazetarët, transmeton gazeta “Kosova Sot Online”.

Meta po udhëtonte me veturën e tij, kur agjentë të BKH-së, në bashkëpunim me forcat e policisë, e kanë ndaluar në afërsi të një qendre tregtare pranë Kthesës së Kamzës në Tiranë.

Meta u arrestua me urdhër të Prokurorisë së Posaçme kundër Korrupsionit (SPAK).

Pritet që ai të mbërrijë në Drejtorinë Vendore të Policisë së Tiranës.

Meta ka qenë president, kryeministër, ministër i Jashtëm, ndërsa kishte mbajtur edhe poste të tjera të larta shtetërore në Shqipëri.

(Kosova Sot Online)