Komandanti i KFOR-it ia bën të qartë gjeneralit serb rëndësinë e shkëmbimit të informacioneve

Komandanti i ri i KFOR-it në Kosovë, gjenerali Enrico Barduani, të mërkurën ka qëndruar për vizitë në Serbi ku është takuar me kreun e forcave serbe, Milan Mojsilovic dhe anëtarë të tjerë të forcave të armatosura serbe në Beograd, transmeton gazeta “Kosova Sot Online”.

Numri një i KFOR-it në këtë takim ia ka bërë të qartë gjeneralit serb rëndësinë e komunikimit të rregullt me qëllim të sigurimit që informatat të shkëmbehen me kohë.

“Ata ndanë pikëpamjet mbi sigurinë rajonale dhe mbi aktivitetet e vazhdueshme ndërmjet KFOR-it dhe Forcave të Armatosura Serbe. Gjeneralmajor Barduani theksoi rëndësinë e komunikimit të rregullt që synon të sigurojë shkëmbimin në kohë të informacionit dhe ruajtjen e stabilitetit në të gjithë rajonin”, thuhet në njoftimin e KFOR.

(Kosova Sot Online)