Nga kartela bankare e një personi janë bërë transaksione pa autorizim
Një person ka njoftuar se nga kartela e tij bankare janë bërë transaksione duke kryer pagesa të ndryshme pa autorizimin e tij, transmeton gazeta “Kosova Sot Online”.
Sipas raportit 24 orësh të Policisë së Kosovës bëhet e ditur se ngjarja ka ndodhur më 28.10.2024 rreth orëve 00:00 dhe 03:55 ne fshatin Çabër të Zubin Potokut.
Tutje bëhet e ditur se në konsultim me prokurorin është iniciuar rasti dhe po hetohet i cilësuar si “Hyrje në sistemin kompjuterik”.
“Viktima mashkull kosovar, ka njoftuar se nga kartela e tij bankare janë bërë transaksione duke kryer pagesa të ndryshme pa autorizimin e tij. Në konsultim me prokurorin është iniciuar rasti dhe mbetet në hetime”, thuhet në raport.
(Kosova Sot Online)
