Gjendet një çantë me eksploziv në një stacion

Policia gjermane është në kërkim të një burri që braktisi një çantë me eksploziv në një stacion treni në Berlin dhe u largua pasi u ndalua nga oficerët, transmeton gazeta “Kosova Sot Online”.

Policia tha se kishte tentuar ta ndalonte burrin për një kontroll rutinë të identitetit në stacionin Neukölln në kryeqytetin gjerman.

Por, ai u largua dhe la pas një çantë me eksplozivë.

Bëhet e ditur se materiali shpërthyes u dërgua në një park aty pranë, ku ekspertët e shpërthyen, shkruan euronews, përcjell Telegrafi.

Raportohet se kërkimi po vazhdon, megjithëse policia tha se nuk kishte arritur ende të identifikonte të dyshuarin dhe se rrethanat pas incidentit ishin të paqarta.

Sipas mediave lokale, çanta përmbante triperoksidin e triacetonit (TATP) shumë shpërthyes.

Dirk Wiese, ligjvënës nga partia e qendrës së majtë SPD e kancelarit gjerman Olaf Scholz, tha se policia kishte qenë “në gjendje të pengonte një sulm”.

“Kjo tregon qartë se sa i lartë është kërcënimi terrorist në vendin tonë”, tha Wiese.

(Kosova Sot Online)