Ky është i riu kosovar, që humbi jetën në aksident tragjik

Një aksident i rëndë ka ndodhur në rrugën Kllokot-Viti në Kosovë, ku për pasojë një person ka humbur jetën dhe një tjetër ka mbetur i lënduar, transmeton gazeta “Kosova Sot Online”.

Në vendin e ngjarjes kanë dalë njësitet policore dhe ekipet emergjente, të cilët kanë konfirmuar vdekjen e viktimës.

Sipas informacioneve të para, Besnik Kurteshi ishte pasagjer në një veturë e cila u vetaksidentua rreth orës 01:15 mëngjesin e hershëm të ditës së sotme.

Vdekjen e tij e konstatuan ekipet mjekësore në vendin e ngjarjes, ndërsa shoferi i veturës i cili ka mbetur i lënduar është duke u trajtuar në Spitalin e Gjilanit.

Shoferi i veturës ka humbur kontrollin dhe ka dalë jashtë rrugës dhe vetura është rrotulluar.

Me urdhër të prokurorit, trupi i viktimës është dërguar në IML për obduksion, ndërkaq shoferi i veturës do të dërgohet në mbajtje.

(Kosova Sot Online)