Peskov: Nuk e di nëse Putin do ta përgëzojë Trumpin për fitoren

Zëdhënësi i Kremlinit Dmitry Peskov tha sot se nuk është në dijeni të planeve të presidentit rus Vladimir Putin për të uruar Donald Trump për fitoren e tij në zgjedhjet presidenciale në SHBA, transmeton gazeta “Kosova Sot Online”.

“Sa i përket urimeve, nuk di për planet e Putinit për të uruar Trump për zgjedhjet”, tha Peskov, duke iu përgjigjur pyetjes së një gazetari për urimet e mundshme për Trump për fitoren e tij në zgjedhjet amerikane.

Duke iu përgjigjur pyetjes nëse Trump do të ofendohej nëse Putini nuk do ta uronte për fitoren e zgjedhjeve dhe nëse kjo do të përkeqësonte marrëdhëniet mes dy vendeve, Peskov tha se presidenti rus ka konfirmuar vazhdimisht gatishmërinë e tij për një dialog të bazuar në drejtësi dhe barazi.

“Megjithatë, të mos harrojmë se ky është një vend armik që është i përfshirë drejtpërdrejt dhe indirekt në luftën kundër vendit tonë”, tha Peskov në përgjigje të pyetjes së një gazetari për urimet e mundshme për Trump.

Në përgjigje të pyetjes se si fitorja e Trump do të ndikojë në luftën në Ukrainë, Peskov deklaroi se SHBA, të cilat po e nxisin konfliktin ukrainas, mund të ndihmojnë në përfundimin e tij.

(Kosova Sot Online)