Moska: Përdorimi i raketave nga Ukraina kundër Rusisë mund të çojë në përgjigje bërthamore

Zëdhënësi i Kremlinit Dmitry Peskov ka thënë se përdorimi i raketave perëndimore jo-bërthamore nga forcat e armatosura ukrainase kundër Federatës Ruse sipas doktrinës së re mund të çojë në një përgjigje bërthamore, pasi presidenti rus Vladimir Putin miratoi një doktrinë të përditësuar bërthamore ruse të martën, transmeton gazeta “Kosova Sot Online”.

Duke folur në konferencën e tij të rregullt ditore për shtyp, Peskov tha se doktrina e re bërthamore duhet të bëhet objekt i analizave të thella si në vend ashtu edhe jashtë saj, shkruan The Guardian,

Peskov tha se Federata Ruse e konsideron përdorimin e armëve bërthamore si një masë ekstreme, por se përditësimi i doktrinës ishte i nevojshëm për të sjellë dokumentin në përputhje me situatën aktuale politike.

Peskov tha se “operacioni special” – termi i preferuar i Moskës për pushtimin e saj në shkallë të plotë të Ukrainës – po kryhej në kontekstin e një lufte të nisur nga perëndimi kundër Federatës Ruse dhe se ushtria ruse po monitoron nga afër raportet rreth planeve për të përdorur raketa amerikane me rreze më të gjatë veprimi në rajonin Kursk të Rusisë.

(Kosova Sot Online)